Qazaxıstanın məşhur qrupu “Turkiss” Azərbaycana gəlib.

parlamentinsesi.az Qafqazinfo-ya istinadla xəbər verir ki, Dalida, Aneli və Janar adlı 3 xanımdan ibarət qrup üzvləri mətbuat konfransında jurnalistlərin suallarını cavablandırıblar.

“Hava limanından düşən kimi burada qızların çox gözəl olduğunun şahidi olduq. Paytaxtın mərkəzində isə Bakının gözəllərinə baxdıq. İlk baxışdan sizin şəhərə aşiq olduq”, -deyə Dalida bildirib.

“Turkiss”i Azərbaycana dəvət edən İsa Məlikov isə qrup üzvləri ilə yerli ifaçıların duetinin baş tutacağını bildirib.

“Azərbaycan dilində danışmaq və mahnı oxumaq çox önəmlidir. Əsas əngəl aksentdir. Bizə bunun öhdəsindən gəlməyə prodüserimiz kömək edir. “Biz “Çağır məni” mahnısını ifa etdik, ökəmizdə böyük maraqla qarşınlandı”,- deyə əcnəbi müğənni qeyd edib.