“Kəpəz” futbol klubu Misli Premyer Liqasının növbəti turunda qarşılaşacağı “Sumqayıt”la oyunun hazırlıqlarını davam etdirir.

Patriot News.com.az xəbər verir ki, Gəncə təmsilçisi qarşılaşmaya hazırlıq çərçivəsində gün ərzində iki dəfə məşq keçir.

Baş məşqçi Azər Məmmədov məşq prosesində əsas diqqəti futbolçuların fiziki kondisiyasının yüksəldilməsinə və taktiki hazırlığın təkmilləşdirilməsinə yönəldir.

Məşqlər zamanı komandanın oyun modeli, müdafiə və hücum xətlərinin qarşılıqlı fəaliyyəti, pressinq, topa nəzarət, sürətli keçidlər və standart vəziyyətlər üzərində çalışmalar aparılır.

Hazırlıq prosesində futbolçuların taktiki tapşırıqları düzgün icra etməsinə, müdafiədən hücuma və hücumdan müdafiəyə keçidlər zamanı komanda kompaktlığının qorunmasına xüsusi diqqət yetirilir.

Hazırda “Kəpəz”in heyətində zədə və cəza səbəbindən itki yoxdur. Bu isə baş məşqçiyə qarşılaşma öncəsi optimal heyət seçimi baxımından geniş imkan yaradır.

Turnir cədvəlinə nəzər saldıqda, “Kəpəz” 6 xalla 6-cı pillədə, “Sumqayıt” isə 1 xalla 12-ci yerdə qərarlaşıb.

Qarşıdakı qarşılaşmada Gəncə təmsilçisi meydanda müdafiə intizamını qorumaq, orta sahədə oyuna nəzarəti ələ almaq və hücumların sonluğunu daha effektiv qurmaqla xal hesabını artırmağa çalışacaq.

“Kəpəz” – “Sumqayıt” matçı hər iki komanda üçün turnir cədvəlində mövqelər baxımından əhəmiyyətli qarşılaşmalardan biri olacaq.

Patriot News.com.az