“Ekologiya və Təbii Sərvətlər Nazirliyi qanunsuz heyvan ovu ilə bağlı cərimələrin artırılması ilə bağlı tədbirlər həyata keçirir. Artıq layihələr də hazırdır”.

Bunu nazirliyin Dövlət Ekoloji Təhlükəsizlik Xidmətinin rəisi Hikmət Əlizadə “Ekspert saatı”nda deyib.

Onun sözlərinə görə, müəyyən heyvan növlərinin, xüsusilə də vəhşi heyvanların ovuna görə cərimələrin dəfələrlə, hətta bəzi növlərin 10 dəfəyə qədər artırılması nəzərdə tutulur: “Hesab edirəm ki, yaxın vaxtlarda cərimələrin artırılmasına nail olacağıq”.