Azərbaycanda koronavirus (COVID-19) infeksiyasına 2001 yeni yoluxma faktı qeydə alınıb, 2145 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 19 nəfər vəfat edib.

Xatırladaq ki, 12 Noyabr 2021-ci il tarixində 2334 yoluxma faktı və 24 ölüm qeydə alındığı açıqlanmışdı. 13 Dekabr 2020-ci il tarixində açıqlanmış fakt (4451) bugünədək qeydə alınmış ən yüksək günlük yoluxma sayı idi.

Azərbaycanda son sutkada koronavirus (COVID-19) əleyhinə 40 504 vaksin vurulub. Bir gündə birinci mərhələ üzrə vaksinasiya olunanların sayı 5 469, ikinci mərhələ üzrə vaksinasiya olunanların sayı 9 400, "buster" doza üzrə vaksinasiya olunanların sayı isə 25 635 nəfərdir.