Dünən Azərbaycan prezidenti İlham Əliyev gənc istedadların xüsusi təqaüdə layiq görülməsi haqqında sərəncam imzalayıb.

parlamentinsesi.az Qafqazinfo-ya istinadən xəbər verir ki, sərəncama görə, Azərbaycanın gənc istedadlarının “Qızıl kitabı”na adı düşən 3 nəfərdən biri Bakı şəhər T.Quliyev adına 12 nömrəli Onbirillik Musiqi Məktəbinin şagirdi Hüseynova Fidan Yaqub qızıdır.

10 yaşlı Fidan Azərbaycan mətbuatına o qədər də yad biri deyil. Belə ki, o, iki il əvvəl dünya şöhrətli müğənni Lara Fabianın Bakı konsertində çıxış edib. Gənc istedad Fabian ilə “Je t’aime” mahnısını duet oxuyub.

F. Hüseynova bundan başqa Lara Fabianın İstanbuldakı konsertində çıxış edərək həmin mahnını yenidən duet şəklində ifa edib.

Qeyd edək ki, Fidan Azərbaycanda məşhur iş adamının qızıdır.

Balaca sənətçinin atası Yaqub Hüseynov “Bridge Group of Companies” şirkətlər qrupunun, “Bridge Plaza” biznes mərkəzinin (Azservice) və “Global Interiors Group” şirkətinin təsisçisidir.