Sumqayıt şəhər memarlıq və şəhərsalma şöbəsinin müdiri Rəşad Əhmədaliyev uzun illərdir şəhərin inkişafı, müasir memarlıq üslubunda quruculuq işlərinin həyata keçirilməsi və şəhərin gözəlləşdirilməsi istiqamətində yorulmaz fəaliyyət göstərir. Onun rəhbərliyi altında Sumqayıt şəhəri təkcə Azərbaycanın sənaye mərkəzi deyil, həm də müasir şəhərsalma nümunəsinə çevrilməkdədir.

Rəşad Əhmədaliyev idarə etdiyi sahədə şəffaflığı, məsuliyyəti və peşəkarlığı ilə seçilən kadr kimi tanınır. Onun rəhbərliyi dövründə şəhərdə yeni parklar salınıb, yollar genişləndirilib, abadlıq və yaşıllaşdırma işləri gücləndirilib. Sumqayıt Bulvarının abadlaşdırılması, müasir yaşayış binalarının və sosial obyektlərin istifadəyə verilməsi, şəhərin memarlıq simasının yenilənməsi də məhz onun diqqət mərkəzində olan əsas məsələlərdəndir.

Xüsusilə, şəhərin gözəlləşdirilməsi ilə yanaşı, şəhid ailələri və qazilərə göstərdiyi dəstək də Rəşad Əhmədaliyevin fəaliyyətində mühüm yer tutur. Onun təşəbbüsü ilə şəhərdə bir çox şəhid ailəsinin mənzil-məişət problemləri həll olunub, qazilərin sosial müdafiəsi istiqamətində müxtəlif layihələr həyata keçirilib. Bu, təkcə dövlət siyasətinə sadiqliyinin deyil, həm də insani və vətənpərvər dəyərlərə bağlılığının bariz nümunəsidir.

Lakin təəssüf ki, görülən bütün bu işlərə baxmayaraq, son zamanlar Rəşad Əhmədaliyev haqqında əsassız iddialar və şər-böhtan xarakterli yazılar tirajlanır. Onun adına müxtəlif qanunsuzluqlar, varlanma ittihamları, saxta məlumatlar əlavə olunaraq ictimai rəydə çaşqınlıq yaratmağa çalışılır. Halbuki, əslində bütün bu iddiaların heç bir hüquqi əsası yoxdur və reallığı əks etdirmir.

Əhmədaliyev barəsində yayılan “mülklər”, “bahalı avtomobillər” və “qanunsuz tikintilər” kimi ittihamlar bir tərəfdən şəhərdə aparılan uğurlu işlərə kölgə salmaq, digər tərəfdən isə şəxsi maraqlarını təmin etmək istəyən dairələrin uydurduğu kampaniyanın tərkib hissəsidir. Xüsusən də, dövlət qurumlarının nəzarəti altında aparılan memarlıq və şəhərsalma işlərinin “satılması” iddiası tamamilə absurddur.

Sumqayıtda son illərdə aparılan quruculuq və abadlıq işlərinin miqyası göz önündədir. Hər bir vətəndaş şəhərdə gəzərkən yeni salınan yaşıllıqların, müasir binaların, abad parkların şahidi olur. Bu isə Rəşad Əhmədaliyevin rəhbərliyi ilə görülən işlərin real nəticəsidir və hər hansı əsassız ittihamları alt-üst edir.

Əslində, onun haqqında yayılan böhtanların arxasında duran səbəblər də aydındır – bəzi qruplar bu inkişafdan narahat olur və şəxsi maraqlarının təmin olunmaması onları qarayaxma kampaniyalarına sürükləyir.

Rəşad Əhmədaliyev isə bütün bunlara rəğmən dövlətə və xalqına sədaqətlə xidmətini davam etdirir. O, Sumqayıtın gələcəyini müasir və abad bir şəhər kimi görür və bu yolda yorulmadan çalışır. Şəhərin gözəlliyi, insanların rahat yaşayışı və gələcək nəsillərə nümunəvi bir mühitin yaradılması üçün həyata keçirilən layihələr buna ən bariz sübutdur.